• 5 ВЕРАСНЯ — ДЗЕНЬ БЕЛАРУСКАГА ПІСЬМЕНСТВА
У першавераснёўскія дні на ўсёй Беларусі ўсталёўваецца ўрачыста-ўзнёслая атмасфера. Пасля летняга канікулярнага зацішша наступае прыкметнае ажыўленне ў грамадстве. Пачатак навучальнага года заўсёды скіроўвае яго да мэтанакіраванай дзейнасці, бо гэта бясконцы працяг напружанага пахода ў Краіну Ведаў, займальнай сустрэчы з Кнігай і Мудрым Словам, духоўнага яднання з Творчай Будучыняй.
