У баранавіцкім мікрараёне Бараўкі здалі ў эксплуатацыю новы дзіцячы сад. Дашкольная ўстанова, як паветра, была патрэбна Бараўкам, дзе жывуць больш за 14 тысяч гараджан.
Урачыстае адкрыццё дзіцячага сада адбылося 18 верасня. Жыхароў мікрараёна з новай дзіцячай установай прыехаў павіншаваць старшыня аблвыканкама Канстанцін Сумар.
Толькі за апошнія гады ў Бараўках уведзены 44 шматпавярховыя дамы, але не было ніводнай дашкольнай установы. Таму і звярталіся людзі з пісьмамі ў органы ўлады, тэлефанавалі на «прамыя лініі», ішлі на прыёмы. І вось сад на 234 месцы прыняў сваіх першых наведвальнікаў. Аб’ект абышоўся абласному і гарадскому бюджэтам у 36,5 мільярда рублёў. Ужо сфарміраваныя 10 груп дзяцей.
Фотарэпартаж з новай дашкольнай установы чытайце ў бліжайшэм нумары «Пралескі».
